Gwahardd cariad arweinydd UKIP o’r blaid am sylwadau hiliol

Diweddarwyd am  

Mae Jo Marney, cariad arweinydd UKIP Henry Bolton, wedi cael ei gwahardd o’r blaid ar ôl gwneud sylwadau hiliol am Meghan Markle, dyweddi Tywysog Harry.

Gwnaeth hi’r sylwadau am Meghan Markle a phobol groenddu eraill mewn cyfres o negeseuon at ei ffrindiau, yn ôl y Mail on Sunday.

Ymddiheurodd “yn ddi-ben-draw” am y sylwadau, meddai mewn datganiad, ond ychwanegodd fod y sylwadau “allan o’u cyd-destun”.

Mae ei pherthynas â Henry Bolton yn destun ymchwiliad mewnol gan y blaid, ac mae galwadau ar i Henry Bolton ei gwahardd yn barhaol a diddymu ei haelodaeth.

Ac mae’r cyn-ymgeisydd ar gyfer arweinyddiaeth y blaid, Ben Walker wedi galw ar i Henry Bolton ymddiswyddo ar sail “camfarnu sylweddol”.

Dywedodd cadeirydd UKIP, Paul Oakden nad yw’r blaid yn “cymeradwyo hiliaeth”.

Henry Bolton

Mae Henry Bolton yntau eisoes yn wynebu cwestiynau am ei fywyd preifat.

Fe ddaeth i’r amlwg yn ddiweddar ei fod e wedi gadael ei wraig, Tatiana ar ôl iddi eni eu hail blentyn yn 2016 ac fe ddaeth ei berthynas â Jo Marney i’r amlwg yn ddiweddar.

Ond mae’n gwadu iddo gael perthynas odinebus â hi.

Fe fydd pwyllgor UKIP yn trafod ei fywyd preifat yn ystod cynhadledd yn ddiweddarach y mis yma.

Mae Jo Marney yn ei disgrifio’i hun fel model, actores a newyddiadurwraig.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed