Ffrae gydraddoldeb: Golygydd y BBC yn China yn ymddiswyddo

 
Tu allan i bencadlys y BBC yn White City

BBC yn Llundain

Llun: Chmee2 CC SA 3.0 trwy Commons Wikimedia

Mae un o brif olygyddion y BBC wedi gadael ei swydd, gan honni bod yna anghyfartaledd yn bodoli rhwng merched a dynion o ran cyflogau.

 

Fe wnaeth Carrie Gracie, sy’n olygydd y BBC yn China, gyhoeddi mewn llythyr agored at y gwylwyr, ei bod wedi penderfynu gadael y Gorfforaeth, gan honni bod dwy ran o bob tair o’r rheiny sy’n ennill cyflog o dros £150,000 yn ddynion.

 

Yn y llythyr, mae Carrie Gracie yn dweud bod yna “ddiwylliant cyflogau cyfrinachol ac anghyfreithlon” yn bodoli o fewn y BBC, a’i bod yn teimlo ei bod yn “ddyletswydd arni” i hysbysu’r cyhoedd fod y BBC yn torri’r ddeddf gydraddoldeb.

 

“Yn y 30 mlynedd rydw i wedi bod gyda’r BBC, dw i byth wedi ceisio gwneud fy hun yn stori na beirniadu’r sefydliad yr ydw i yn ei garu yn gyhoeddus,” meddai Carrie Gracie.

 

“Dydw i ddim yn gofyn am ragor o arian. Rydw i’n credu fy mod i’r cael fy nhalu’n dda yn barod – yn enwedig i rywun sy’n gweithio i sefydliad cyhoeddus.

 

“Yr hyn dw i eisiau yw bod y BBC yn parchu’r gyfraith ac yn trin dynion a merched yn gyfartal.”

Ymateb y BBC

Yn ôl llefarydd ar ran y BBC, dywedodd fod y gorfforaeth yn perfformio’n “well” na’r gyfartaledd genedlaethol o ran cydraddoldeb tâl rhwng dynion a merched.

Dywedodd hefyd eu bod nhw eisoes wedi cynnal ymchwil annibynnol a oedd yn dangos nad oedd yna “wahaniaethu yn erbyn merched” o fewn y gorfforaeth, ac y bydd adroddiad arall yn benodol ar gyfer staff sy’n darlledu yn cael ei gyhoeddi yn y “dyfodol agos”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd