John Worboys: Galw ar y Bwrdd Parôl i gyhoeddi’r rhesymau dros ei ryddhau

Diweddarwyd am  
Carchar

Carchar

Llun: Llywodraeth y Deyrnas Unedig

 

Mae ‘na alw ar y Bwrdd Parôl i gyhoeddi ei resymau ar unwaith dros rydau’r troseddwr rhyw John Worboys o’r carchar, yn ôl cadeirydd pwyllgor seneddol.

Dywedodd Yvette Cooper, cadeirydd y Pwyllgor Dethol ar Faterion Cartref, ei bod wedi’i “synnu” gan y penderfyniad ac wedi galw am graffu ar resymau’r Bwrdd Parôl cyn i’r troseddwr rhyw gael ei ryddhau o’r carchar.

Cafodd y cyn-yrrwr tacsi yn Llundain ei garcharu am gyfnod amhenodol yn 2009, gydag isafswm o wyth mlynedd dan glo, am roi cyffuriau i 12 o ferched oedd yn teithio yn ei dacsi cyn ymosod yn rhywiol arnyn nhw.

Erbyn hyn, mae ‘na ofnau y gallai John Worboys, 60, fod wedi ymosod ar fwy na 100 o ferched ar ôl i ragor o ddioddefwyr honedig fynd at yr heddlu yn ystod yr achos.

“Cwestiynau difrifol”

Mae penderfyniad y Bwrdd Parôl, a gyhoeddwyd ddydd Iau, wedi ennyn ymateb chwyrn gan elusennau a grwpiau cymorth.

Meddai Yvette Cooper bod penderfyniad y Bwrdd Parôl yn “codi cwestiynau difrifol” .

“O ystyried difrifoldeb yr achos, fe ddylai’r Bwrdd Parôl gyhoeddi eu rhesymau ar unwaith fel bod modd craffu ar y penderfyniad a’r broses cyn i’r dyn yma gael ei ryddhau.

“Mae angen i ni wybod hefyd pa wybodaeth a chymorth gafodd eu rhoi i’r holl ddioddefwyr cyn i’r penderfyniad yma gael ei wneud,” meddai.

Mae Syr Keir Starmer, y cyfarwyddwr erlyniadau cyhoeddus ar y pryd, dan bwysau i egluro pam na chafodd ymchwiliad ei gynnal i’r honiadau pellach yn erbyn John Worboys.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?