‘Arwr digartref’ ymosodiad Manceinion wedi troi’n lleidr

 

Blodau yn Sgwar Santes Ann, Manceinion, yn dilyn yr ymosodiad brawychol ym Mai 2017

Llun: Ardfern CC SA 4.0 trwy Commons Wikimedia

Mae Chris Parker, y dyn digartref a gafodd ei alw’n arwr yn dilyn yr ymosodiad brawychol ar Arena Manceinion fis Mai y llynedd, wedi cyfaddef iddo ddwyn eiddo rhai o’r dioddefwyr.

Mae wedi’i orfodi i dalu £50,000 yn ôl – arian a gafodd trwy wefan Go Fund Me gan rai oedd yn dymuno diolch iddo am ei gymorth yn sgil yr ymosodiad gan Salman Abedi ar Fai 22 y llynedd a laddodd 22 o bobol.

Cafodd lluniau camerâu cylch-cyfyng eu dangos i Lys y Goron Manceinion oedd yn dangos Chris Parker, 33, yn estyn dros gorff Pauline Healey, oedd wedi goroesi. Roedd e’n ceisio dwyn ei phwrs wrth i’w hwyres 14 oed orwedd ar lawr yn marw.

Fe ddefnyddiodd ei chardiau banc ym McDonald’s o fewn oriau, a hynny ar ôl dwyn ffôn symudol oddi ar berson ifanc arall.

Cafodd ei gadw yn y ddalfa ym Manceinion, ac fe gafodd ei ryddhau ar fechnïaeth, ond wnaeth e ddim ymddangos gerbron y llys ddydd Mawrth.

Cafwyd hyd iddo dros nos yn cuddio mewn tŷ yn Halifax yn Swydd Efrog.

Ond wrth ymddangos gerbron Llys y Goron Manceinion heddiw, plediodd yn euog i ddau gyhuddiad o ladrata ac un cyhuddiad o dwyll.

Nid dyma’r tro cyntaf iddo gael ei gyhuddo o ddwyn, ac fe gafodd y llys wybod am y cyhuddiadau blaenorol yn ei erbyn.

Mae wedi’i gadw yn y ddalfa tan Ionawr 30, pan fydd yn cael ei ddedfrydu, ac fe ddywedodd y barnwr wrtho fod cyfnod dan glo “yn debygol iawn”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?