Mam babi Nottingham yn derbyn llythyr ymddiheuriad gan ysbyty

 

Mae ysbyty yn Lloegr wedi ymddheuro i fam am achosi marwolaeth ei baban trwy anaf i’w ben yn ystod llawdriniaeth Cesaraidd.

Fe fu farw’r baban, Carson Allen, dair awr wedi iddo gael ei eni yn Ysbyty Dinas Nottingham ar Orffennaf 3, 2013, oherwydd i ddoctoriaid achosi niwed angheuol i’r ymennydd.

Roedd y fam, Claire Smith, 42, wedi derbyn triniaeth yn 2011 a oedd yn debygol o achosi problemau iechyd, a’r cyngor fyddai iddi osgoi syrthio’n feichiog o gwbwl.

Ond ni chafodd y cyngor iawn gan feddygon ar y pryd, ac fe glywodd gwrandawiad i’r achos y dylai ymchwiliaidau llawnach fod wedi cael eu cynnal i hanes ei hiechyd.

Profiad “anodd”

Dywedodd Claire Smith fod y gwrandawiad wedi bod yn brofiad “anodd” iddi, a’i bod wedi treulio y pedair blynedd diwethaf yn credu mai arni hi yr oedd y bai am farwolaeth ei mab.

“Ro’n i’n credu bod y clwyf ar ben Carson o ganlyniad i’r driniaeth a gefais yn 2012,” meddai. “Dim ond wedi’r post-mortem y gwnes i ddarganfod ei fod wedi cael ei achosi gan scalpel.”

Mae’n disgrifio’r gofal a gafodd yn yr ysbyty yn “hynod o wael” ac “annerbyniol”.

Ysbyty’n ailadrodd ei ymddiheuriad

Yn ôl Dr Lucy Kean, pennaeth adran yn Ymddiriedolaeth Iechyd Ysbyty Prifysgol Nottingham, mae’r ymddiriedolaeth yn cydymdeimlo’n llwyr â’r teulu, ac yn “ymddiheuro am unrhyw fethiannau yn y gofal”.

“Rydym ni’n sylweddoli”, meddai, “na all geiriau nac arian ddad-wneud y niwed a’r boen y mae’r teulu wedi ei brofi o ganlyniad i’r achos hwn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd