Dyfeisiwr peiriant cyfri celloedd gwaed wedi marw

 
Heinz Wolff

Yr Athro Heinz Wolff

Llun: P. G. Champion trwy Gomin Wicimedia

Mae’r dyn a ddyfeisiodd y peiriant cyfri celloedd gwaed cyntaf wedi marw’n 89 oed.

Roedd yr Athro Heinz Wolff yn adnabyddus fel gwyddonydd a chyflwynydd teledu.

Daeth cadarnhad o’i farwolaeth gan Brifysgol Brunel yn Llundain.

Cafodd ei eni yn yr Almaen, yn fab i Iddewon, ac fe ddaeth i wledydd Prydain yn ffoadur ar y diwrnod y dechreuodd yr Ail Ryfel Byd yn 1939.

Symudodd o’r Cyngor Ymchwil Feddygol i Brifysgol Brunel yn 1983, ac fe weithiodd am gyfnod fel ymgynghorydd i’r Asiantaeth Ofod Ewropeaidd.

Roedd hefyd wedi cyflwyno’r rhaglen deledu The Great Egg Race o 1977 i 1986.

Addysg a gyrfa

Fe gafodd ei addysg yn yr ysgol yn Rhydychen cyn astudio gwaedoleg yn ysbyty Radcliffe yn y ddinas honno, lle dyfeisiodd e beiriant i gyfri celloedd gwaed.

Graddiodd o Goleg Prifysgol Llundain gyda dosbarth cyntaf mewn ffisioleg a ffiseg.

Yn fwyaf diweddar, roedd yn Athro Emeritws ym Mhrifysgol Brunel, a’i waith yn canolbwyntio ar faterion cymdeithasol sy’n effeithio ar bobol oedrannus.

Dechreuodd ei yrfa deledu ar raglen Panorama gyda Richard Dimbleby yn 1966, ac yntau newydd ddyfeisio pilsen radio sy’n gallu mesur gwasgedd, tymheredd ac asid y stumog.

Ond fe fydd yn cael ei gofio’n bennaf am y rhaglen deledu The Great Egg Race, oedd yn gofyn i gystadleuwyr ddyfeisio gwrthrychau defnyddiol gan ddefnyddio adnoddau prin.

Daeth yn aelod anrhydeddus o’r Asiantaeth Ofod Ewropeaidd yn 1975, ac fe gyd-sefydlodd Prosiect Juno, a arweiniodd at anfon y ddynes gyntaf o wledydd Prydain, Helen Sharman i’r gofod.

Dywedodd Is-ganghellor Prifysgol Brunel, yr Athro Julia Buckingham fod Heinz Wolff “yn ysbrydoliaeth i ni gyd”.

Mae’n gadael dau fab a phedwar o wyrion.

Gwyddoniaeth a Thechnoleg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?