Atal naw cynllwyn brawychol mewn blwyddyn

Diweddarwyd am  
Amber Rudd

Amber Rudd

Llun: Gwefan Amber Rudd

Mae naw cynllwyn brawychol wedi’u hatal dros y flwyddyn ddiwethaf yn y Deyrnas Unedig, yn ôl Cyfarwyddwr MI5.

Wrth gyflwyno tystiolaeth i’r Prif Weinidog ac aelodau eraill y Cabinet yn San Steffan heddiw mae Andrew Parker, cyfarwyddwr MI5, wedi rhybuddio fod y cyfryngau cymdeithasol yn cael eu defnyddio i annog ymosodiadau yn y Deyrnas Unedig a’r tu hwnt.

Mae’n ychwanegu nad yw gorchfygu’r Wladwriaeth Islamaidd (IS) yn Syria ac Irac yn golygu nad yw’r bygythiad yn lleihau ym Mhrydain.

Pwysau ar y cyfryngau cymdeithasol

Mae llefarydd ar ran y Prif Weinidog wedi gwrthod datgelu manylion yr ymosodiadau gafodd eu rhwystro, ond mae’n cadarnhau fod cyflwyniad Cyfarwyddwr MI5 yn cyfeirio at frawychiaeth sy’n gysylltiedig ag Islamiaeth.

Mi ddywedodd llefarydd ar ran yr heddlu yn gynharach eleni eu bod wedi rhwystro 13 o ymosodiadau ers 2013, ond mae graddfa cyflymdra’r ymosodiadau wedi codi’n “sylweddol” yn ystod y flwyddyn ddiwethaf, yn ôl Amber Rudd, Ysgrifennydd Cartref Llywodraeth Prydain.

Mae’n ychwanegu bod y llywodraeth yn rhoi pwysau ar gwmnïau’r cyfryngau cymdeithasol i waredu â deunydd brawychol oddi ar eu platfformau.

Roedd MI5 hefyd wedi bod yn ymchwilio i’r brawychwr Khalid Masood, a oedd yn gyfrifol am drefnu’r ymosodiad ar London Bridge, yn ogystal â Salman Abedi a oedd yn gyfrifol am ymosodiad bom Manceinion.

Roedd adolygiad annibynnol  wedi dangos y gallai’r ymosodiad ar arena Manceinion ym mis Mai fod wedi’i atal a bod Salman Abedi wedi bod “o ddiddordeb” i’r awdurdodau cyn hynny.

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd