Theresa May i ddychwelyd i Frwsel

Diweddarwyd am  

Theresa May

Llun: Anika Haas trwy Commons Wikimedia CC2.0

Mae disgwyl i Theresa May ddychwelyd i Frwsel cyn diwedd yr wythnos hon wedi iddi fethu â sicrhau cytundeb gyda’r Undeb Ewropeaidd ddoe fyddai wedi symud y trafodaethau yn eu blaen.

Daw hyn wedi i blaid y DUP, sy’n cefnogi’r Llywodraeth Geidwadol yn San Steffan, wrthod cynnig fyddai’n lleddfu’r ffin fasnach rhwng Gogledd Iwerddon ac Iwerddon, ond yn ei thynhau â gweddill y Deyrnas Unedig.

Mi ddywedodd Arlene Foster, arweinydd y DUP, na fyddai’n derbyn unrhyw gytundeb fyddai’n “gwahanu” Gogledd Iwerddon oddi wrth weddill gwledydd Prydain.

Mi fydd raid i Theresa May geisio adfer y trafodaethau yn awr i gael cynnig yn ei le cyn wynebu gweddill cenhedloedd yr Undeb Ewropeaidd yr wythnos nesaf (Rhagfyr 14 – 15) lle byddan nhw’n trafod y cytundeb masnach.

Mae disgwyl iddi gwrdd a’i Chabinet y bore ma i drafod y camau nesaf.

‘Cynnig arbennig’

Ychwanegodd Leo Varadkar, Prif Weinidog Iwerddon, ddoe ei fod wedi “synnu a’i siomi” gan benderfyniad Theresa May i ofyn am fwy o amser am fod y cytundeb wedi’i gytuno arno gan y Comisiwn Ewropeaidd, y Deyrnas Unedig a’r Weriniaeth, meddai.

Mewn neges ar wefan gymdeithasol Twitter neithiwr mi ddywedodd Carwyn Jones – “ni allwn ganiatáu i rannau o’r Deyrnas Unedig gael eu trin yn fwy ffafriol nag eraill. Os yw un rhan o’r DU yn cael aros yn rhan o’r Farchnad Sengl a’r Undeb Tollau, yna rydym ninnau hefyd yn llawn ddisgwyl cael yr un cynnig.”

Mae hyn yn adleisio sylwadau gan Nicola Sturgeon, Prif Weinidog yr Alban, a Sadiq Khan, Maer Llundain, sy’n dweud y bydden nhw am gael cynnig arbennig pe bai Gogledd Iwerddon yn llwyddo i gael hynny.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd