Cressida Dick: Awgrym y gallai cyn-swyddogion gael eu herlyn

Diweddarwyd am  
Damian Green

Damian Green

Llun: Flickr swyddfa’r Prif Weinidog

Mae Comisiynydd yr Heddlu Metropolitan, Cressida Dick, wedi mynnu na ddylai cyn-swyddogion fod wedi gwneud sylwadau cyhoeddus ynglŷn â honiadau am ddeunydd pornograffig ar gyfrifiadur Seneddol, a oedd yn perthyn i’r Dirprwy Brif Weinidog Damian Green.

Mae Cressida Dick yn mynnu bod dyletswydd gan swyddogion i gadw gwybodaeth bersonol neu sensitif yn gyfrinachol hyd yn oed ar ôl gadael eu swyddi.

Mae Damian Green, sy’n rhan o ymchwiliad gan Swyddfa’r Cabinet, yn mynnu nad oedd wedi lawrlwytho na gwylio pornograffi ar y cyfrifiadur.

Dywedodd Cressida Dick y byddai adran safonau proffesiynol yr heddlu yn cynnal adolygiad i’r digwyddiad  “mewn perthynas a’r modd mae’r wybodaeth wedi cael ei thrin ac os oes unrhyw droseddau’n cael eu datgelu, fe fyddwn ni’n ymchwilio iddyn nhw.”

Fe awgrymodd hefyd y gallai arwain at erlyn y swyddogion os oes troseddau wedi cael eu cyflawni.

Fe honnodd y cyn-dditectif, Neil Lewis, wrth y BBC wythnos ddiwethaf ei fod wedi’i synnu cymaint o ddeunydd pornograffig oedd ar gyfrifiadur Damian Green ac nad oedd “unrhyw amheuaeth” mai’r AS Ceidwadol oedd wedi chwilio am y deunydd.

Roedd hynny’n adlewyrchu honiadau a wnaed gan y cyn-ddirprwy gomisiynydd Bob Quick fis diwethaf am ddeunydd y cafwyd hyd iddo ar gyfrifiadur Damian Green yn ystod cyrch ar ei swyddfa yn y Senedd yn 2008.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd