Ysgrifennydd Addysg San Steffan yn beirniadu Donald Trump

 
Donald Trump

Donald Trump

Llun drwy Gomin Wicimedia CC0

Mae negeseuon diweddar Arlywydd yr Unol Daleithiau, Donald Trump ar wefan gymdeithasol Twitter wedi arwain Ysgrifennydd Addysg San Steffan, Justine Greening i gredu na fyddai ymweliad gwladol â gwledydd Prydain yn “un positif”.

Daw ei sylwadau ar ôl iddo aildrydar sawl neges sy’n cynnwys fideos gwrth-Islamaidd gan ddirprwy arweinydd y grŵp asgell dde, Britain First.

Fe gafodd Donald Trump ei feirniadu’r wythnos ddiwethaf gan Brif Weinidog Prydain, Theresa May ar ôl rhannu’r fideo gyda’i 44 miliwn o ddilynwyr.

Ymweliad

Mae Theresa May yn mynnu nad oes yna ymweliad gwladol ar y gorwel, ond mae’r Sunday Times yn adrodd bod yr Unol Daleithiau’n disgwyl i’r ymweliad gael ei gynnal ar Chwefror 26 a 27, adeg agor llysgenhadaeth newydd yr Unol Daleithiau yn Llundain.

Ond yn ôl Ysgrifennydd Addysg San Steffan, Justine Greening, mae’r negeseuon diweddaraf ar Twitter yn golygu y byddai’r ymweliad yn “broblematig”.

Dywedodd wrth raglen Andrew Marr ar y BBC: “Dw i ddim yn credu bod y trydariadau yn ystod yr wythnos ddiwethaf wedi helpu i wneud unrhyw ymweliad o’r fath yn un arbennig o bositif.

“Dw i’n credu ei fod e’n anghywir i drydar. Wrth gwrs, mae Britain First yn grŵp sydd yn anwaraidd. Dw i ddim yn meddwl eu bod nhw’n haeddu unrhyw gyhoeddusrwydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd