Pornograffi Damian Green: beirniadu cyn-blismyn am ddatgelu honiadau

 
Damian Green

Damian Green

Llun: Flickr swyddfa’r Prif Weinidog

Mae dau gyn-blismon oedd wedi datgelu’r honiadau bod delweddau pornograffig wedi cael eu darganfod ar gyfrifiadur gwaith Damian Green wedi cael eu beirniadu.

Dywedodd cyn-Brif Gwnstabl Heddlu Manceinion, Syr Peter Fahy fod y ddau wedi mynd i “dir peryglus” ac y dylen nhw fod wedi cadw draw o’r byd gwleidyddol.

Daw’r sylwadau ar ôl i’r cyn-Dwrnai Cyffredinol, Dominic Grieve feirniadu’r weithred hefyd.

‘Sioc’

Ddoe, dywedodd cyn-dditectif Scotland Yard, Neil Lewis wrth y BBC ei fod e wedi cael “sioc” o sylweddoli yn 2008 faint o ddeunydd pornograffig oedd ar gyfrifiadur y Prif Ysgrifennydd Gwladol, sydd i bob pwrpas yn Ddirprwy Brif Weinidog.

Mae’r honiadau diweddaraf yn debyg i’r rheiny gan gyn-Gomisiynydd Cynorthwyol Heddlu Llundain, Bob Quick fis diwethaf.

Mae Syr Peter Fahy wedi gwadu bod y ddau gyn-blismon yn gweithredu er lles y cyhoedd, gan fynnu bod ganddyn nhw ddyletswydd i gadw gwybodaeth sensitif o’r fath yn gyfrinachol.

“Mae’n dir peryglus iawn i blismon farnu a yw gwleidydd yn dweud celwydd neu beidio,” meddai wrth raglen Today ar BBC Radio 4.

“Dim ond fel rhan o ymchwiliad troseddol y dylai hynny ddigwydd a hyd yn oed wedyn, mater i’r llys ydyw i benderfynu.

“Dylai’r heddlu hefyd fod yn ofalus wrth farnu am foesoldeb pobol eraill pan nad yw’n fater troseddol.”

‘Torri cod ymddygiad’

Mae Dominic Grieve wedi cyhuddo’r ddau gyn-blismon o dorri cod ymddygiad yr heddlu.

Dywedodd wrth raglen Newsnight BBC2 fod y mater yn “peri gofid” iddo fe.

“Rydyn ni’n rhoi pwerau i’r heddlu nad oes gan bobol eraill mohonyn nhw.

“Nid yw’n iawn ac ni allan nhw gamddefnyddio’r pwerau hynny.”

Mae Damian Green yn gwadu iddo edrych ar y delweddau pornograffig, ac mae e’n destun ymchwiliad arall yn sgil ei ymddygiad tuag at ddynes ifanc o fewn y blaid.

 

Mae Heddlu Llundain yn cynnal ymchwiliad i ddarganfod sut y cafodd yr honiadau eu cyhoeddi.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd