Carcharu dyn am ladd a choginio ci

 

Llun: CCO trwy www.pixabay.com

Mae cyn-nyrs seiciatrig wedi’i garcharu am ddwy flynedd am ladd a choginio ei gi, a’i fwydo i gi arall.

Bydd Dominic O’Connor, 28, yn treulio dwy flynedd ar drwydded yn y gymuned ac mae wedi’i wahardd rhag cadw anifeliliaid am oes.

Fe ddefnyddiodd e dennyn i dagu’r ci cyn ei fwydo i’r ci arall yng Ngogledd Iwerddon fis Rhagfyr y llynedd.

Roedd e wedi prynu’r ci oddi ar wefan Gumtree ac fe geisiodd ddwywaith i’w ladd, meddai’r barnwr.

Ar ôl ei ladd, fe gafodd y gweddillion oedd heb eu bwyta eu taflu i fag plastig a’i waredu mewn harbwr.

Wrth ei ddedfrydu, dywedodd y barnwr yn Llys y Goron Downpatrick fod y weithred yn “farbaraidd”, ond nad oedd yn peri perygl i bobol.

Y ddedfryd ar gyfer y drosedd yw pum mlynedd, neu ddwy flynedd a hanner dan glo a’r gweddill ar drwydded.

Dywedodd y barnwr fod y ddedfryd yn adlewyrchu “lefel y creulondeb”, ac nad oedd ei gyfreithwyr wedi cyflwyno digon o dystiolaeth fod ganddo salwch meddwl i ddefnyddio hynny fel amddiffyniad.

Wrth iddo gael ei dywys o’r llys, daeth sgrech o’r oriel gyhoeddus ar iddo “losgi mewn uffern” a’i fod yn “ymgorffori cythraul drwg”.

 

 

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd