Dirprwy Brif Weinidog Iwerddon wedi ymddiswyddo

Diweddarwyd am  

Dáil Éireann – Y Dail yn Nulyn

Llun: Gwefan Dáil Éireann

Mae  dirprwy Brif Weinidog Iwerddon wedi ymddiswyddo heddiw.

Mae Frances Fitzgerald wedi bod ynghanol dadl a allai fod wedi arwain at etholiad brys yn Iwerddon cyn diwedd y flwyddyn.

Dywedodd ei bod yn camu o’r neilltu wrth i’r anghytundeb hwnnw fygwth y cytundeb gyda’r blaid sy’n cefnogi llywodraeth leiafrifol y blaid Fine Gael.

Mae Frances Fitzgerald wedi cadarnhau ei bod hi’n ymddiswyddo er mwyn osgoi etholiad brys sydd â’r “posibilrwydd i ansefydlogi” y sefyllfa wleidyddol yn Iwerddon.

Daw hyn wedi i gyfres o e-byst yn deillio’n ôl i 2015 gael eu rhyddhau nos Lun yn dangos ei bod yn ymwybodol o sgandal yn ymwneud â heddlu Iwerddon, Garda.

Mi ymddiswyddodd oriau’n unig cyn y byddai’n wynebu pleidlais o ddiffyg hyder, ac mae Frances Fitzgerald yn pwysleisio ei bod yn rhoi buddiannau’r wlad cyn ei buddiannau ei hun.

“Braint mwyaf fy mywyd yw cael gwasanaethu yn y llywodraeth, ond credaf fod angen imi gymryd y penderfyniad hwn i osgoi etholiad cyffredinol na fyddai’n cael ei groesawu ac sydd â’r posibilrwydd i ansefydlogi pethau yn y cyfnod pwysig, hanesyddol hwn,” meddai.

Mae Leo Varadkar, Prif Weinidog Iwerddon, wedi derbyn ei hymddiswyddiad.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd