Damian Green: cyn-bennaeth Heddlu Llundain “yn gwybod” am honiadau

Diweddarwyd am  
Damian Green

Damian Green

Llun: Flickr swyddfa’r Prif Weinidog

Fe ddaeth i’r amlwg fod cyn-bennaeth Heddlu Llundain, Syr Paul Stephenson yn gwybod fod gan Brif Ysgrifennydd Gwladol San Steffan, Damian Green ddelweddau pornograffig ar ei gyfrifiadur yn 2008.

Dywedodd Syr Paul Stephenson nad oedd y darganfyddiad yn “berthnasol” i’r ymchwiliad yr oedd yr heddlu’n ei gwblhau ar y pryd.

Cafodd yr ymchwiliad yn erbyn Damian Green ei ymestyn yr wythnos ddiwethaf yn dilyn adroddiadau’r Sunday Times am y cyfrifiadur.

Roedden nhw’n honni bod datganiad Bob Quick, cyn-Gomisiynydd Cynorthwyol yr heddlu, yn cyfeirio at y darganfyddiad.

Ond roedd Damian Green yn parhau i fynnu nad oedd sail i’r stori, a’i bod yn ymgais i’w “bardduo”.

Yn ôl Syr Paul Stephenson, “nid lle yr heddlu” oedd plismona’r gweithle, ac dywedodd ei fod yn “difaru” bod y mater wedi dod yn gyhoeddus.

Honiadau

Mae Damian Green wedi bod yn destun ymchwiliad unwaith eto eleni ar ôl i Kate Maltby ddweud wrth y Times ei fod e wedi cyffwrdd â hi mewn modd rhywiol mewn tafarn yn 2015, a’i fod e wedi anfon negeseuon rhywiol ati ar ôl i bapur newydd gyhoeddi lluniau ohoni.

Ond mae e wedi gwadu’r honiadau hynny hefyd.

Roedd Damian Green, Bob Quick a Syr Paul Stephenson wedi cyflwyno tystiolaeth i ymchwiliad yr wythnos ddiwethaf, yn ôl y BBC.

Ymddiswyddodd Bob Quick o’i swydd yn 2009 ar ôl i lun ohono’n cario cudd-wybodaeth ymddangos mewn papur newydd. Roedd modd gweld ysgrifen yn y llun.

Ond mae e wedi gwadu datgelu gwybodaeth i bapurau newydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd