Apple dan y lach am symud arian i Ynys Jersey

Diweddarwyd am  
Llun arian papur.

Pryder am arian sy’n poeni 40% o bobl, yn ol arolwg

llun-flickr-CC2.0.jpg

Cwmni Apple yw’r diweddaraf i ddod o dan y lach wedi i’r Papurau Paradwys ddatgelu eu bod yn buddsoddi arian ar Ynys Jersey.

Mae’n debyg fod y cwmni wedi symud cyfran o’u harian i’r ynys yn dilyn newid yng nghyfreithiau trethi Iwerddon.

Ond mae’r cwmni’n mynnu nad ydyn nhw’n osgoi nac yn talu llai o drethi drwy gadw’r arian ar yr ynys.

Maen nhw’n ychwanegu mai nhw yw’r trethdalwyr mwya’ yn y byd ac wedi talu £26 biliwn mewn treth gorfforaethol dros y tair blynedd ddiwethaf.

Mae llefarydd ar ran Llywodraeth Jersey yn dweud y byddan nhw’n ymchwilio i honiadau’r Papurau Paradwys gan ddweud nad yw’n “foddhaol” i gwmnïau fanteisio ar noddfa drethi’r ynys heb “arddangos sylwedd” yno.

Papurau Paradwys

Daw’r honiadau hyn wedi i’r wasg ddatgelu ddoe fod y Frenhines wedi buddsoddi £10 miliwn o gyllid personol, Duchy of Lancaster, ar Ynysoedd Cayman a Bermuda rhwng 2004 a 2005.

Ymysg yr enwau eraill sy’n rhan o’r helynt mae’r Arglwydd Ashcroft, y gyrrwr rasio Lewis Hamilton ac Ysgrifennydd Masnach Donald Trump, Wilbur Ross.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd