System gwynion: Theresa May yn cwrdd ag arweinwyr y pleidiau

 

Theresa May

Llun: Anika Haas trwy Commons Wikimedia CC2.0

Fe fydd Theresa May yn cwrdd ag arweinwyr y pleidiau eraill heddiw er mwyn trafod system gwynion newydd yn dilyn honiadau o aflonyddu rhywiol yn San Steffan.

Daw’r cyfarfod wrth i’r Ysgrifennydd Gwladol Damian Green gael ei holi heddiw fel rhan o ymchwiliad Swyddfa’r Cabinet yn sgil honiadau bod pornograffi wedi cael ei ddarganfod ar un o’i gyfrifiaduron seneddol yn 2008.

Mae Damian Green wedi gwadu’r honiadau sydd wedi cael eu gwneud gan Kate Maltby.

Ar ôl wythnos gythryblus i’r Torïaid, pan gafodd pedwar Aelod Seneddol eu cyfeirio at bwyllgor disgyblaeth newydd yn dilyn honiadau yn eu herbyn, mae Theresa May yn ceisio cael cytundeb trawsbleidiol am fesurau newydd yn ymwneud ag aflonyddu rhywiol.

Mae’r Ysgrifennydd Cartref Amber Rudd wedi awgrymu y gallai ASau sy’n eu cael yn euog o aflonyddu rhywiol gael eu diswyddo o dan fesurau newydd.

Mae disgwyl i arweinwyr y pleidiau yng Nghymru gwrdd yfory i drafod y mater.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd