Rhagor o oleuni ar honiadau am ymddygiad rhywiol gwleidyddion

Diweddarwyd am  
San Steffan

San Steffan

Llun: Wikimedia Commons

Mae rhagor o wybodaeth wedi dod i law am ymddygiad rhywiol rhai o wleidyddion amlycaf San Steffan, a honiadau newydd wedi cael eu gwneud.

Ymddiswyddodd yr Ysgrifennydd Amddiffyn, Syr Michael Fallon yr wythnos ddiwethaf gan ddweud nad oedd ei ymddygiad wedi cyrraedd y safonau priodol sy’n ddisgwyliedig gan aelod o’r Llywodraeth.

Bryd hynny, fe ddaeth i’r amlwg ei fod e wedi cyffwrdd â choes newyddiadurwraig.

Erbyn hyn, mae Jane Merrick wedi cysylltu â Stryd Downing yn honni ei fod e wedi ceisio’i chusanu yn 2003.

Dywedodd hi wrth bapur newydd yr Observer fod hynny wedi digwydd pan oedd hi’n ohebydd 29 oed, a’i bod hi’n teimlo “cywilydd”.

“A oeddwn i’n euog o fod wedi ei gamarwain drwy yfed gyda fe? Ar ôl blynyddoedd o gael diod gyda chynifer o ASau eraill sydd heb ymddwyn yn amhriodol tuag ata’ i, dw i’n gwybod nawr nad oeddwn i.”

Cusan

Ac mae honiadau yn erbyn y Chwip Ceidwadol, Chris Pincher.

Yn ôl y Mail on Sunday, mae e wedi’i gyhuddo o geisio cusanu’r rhwyfwr Olympaidd ac ymgyrchydd gwleidyddol, Alex Story.

Mae Chris Pincher wedi ymddiheuro am y digwyddiad.

Damian Green

Yn y cyfamser, mae honiadau bod delweddau pornograffig wedi cael eu darganfod ar gyfrifiadur yn swyddfa’r Prif Ysgrifennydd Gwladol, Damian Green.

Mae e wedi gwadu honiadau’r cyn-bennaeth heddlu, Bob Quick, sydd wedi’u hadrodd yn y Sunday Times, gan ddweud eu bod nhw’n “gwbl anwir” ac yn dod o “ffynhonnell nad oes modd ymddiried ynddi”.

Yn ôl cyn-Gomisiynydd Cynorthwyol Heddlu Llundain, cafodd y delweddau eu darganfod yn 2008 wrth iddyn nhw ymchwilio i wybodaeth oedd yn cael ei chyhoeddi ar gam gan aelodau’r llywodraeth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd