“Fe fydd 10,000 o swyddi’n mynd ar ddiwrnod cyntaf Brexit”

Diweddarwyd am  
Adeilad y banc yn Llundain

Banc Lloegr

Llun: Diliff CC SA 3.0 trwy Commons Wikimedia

Mae un o swyddogion Banc Lloegr yn rhybuddio y gall 10,000 o swyddi gwasanaethau ariannol gael eu colli ar y diwrnod cyntaf o Brexit.

Mae nhw hefyd wedi ymateb i adroddiad annibynnol a oedd yn dweud y gall y ffigwr hwn fod cyn uched â 75,000 o swyddi – gyda’r Banc yn dweud bod y rhagolwg hwn yn un “teg”.

Wrth siarad i is-bwyllgor materion ariannol yr Undeb Ewropeaidd yn Nhŷ’r Arglwyddi, dywedodd un o benaethiaid Banc Lloegr, Sam Woods, fod y ffigwr o 75,000 sydd wedi cael ei nodi mewn adroddiad annibynnol a wnaed gan y cwmni ymgymghorol, Oliver Wyman, yn 2016, yn cynnig “rhagolwg teg” o’r math o effaith y bydd Brexit yn ei gael ar wasanaethau ariannol.

Ychwanegodd mai’r modd y daeth yr adroddiad at y ffigwr hwn oedd trwy edrych ar y canlyniad gwaethaf a all ddod yn sgil Brexit, sef bod sector y gwasanethau ariannol yn gweld cwymp o 10% mewn cyllid, a fydd yn arwain yn y pen-draw at rhwng 65,000 i 75,000 o swyddi yn cael eu colli.

Ffigwr “lot llai” gan Fanc Lloegr

Ond fel un sydd wedi gweld y cynllun Brexit sy’n ymwneud â banciau a chwmniau gwasanaethau ariannol, roedd yntau’n rhag-weld y bydd tua 10,000 o swydd yn cael eu colli ar y diwrnod cyntaf o Brexit, ac y bydd yn “syndod” iddo os bydd y ffigwr yn fwy na hynny.

“I roi hyn mewn cyd-destun”, meddai, “mae hyn yn llai nag 1% o swyddi’r gwasanaethau ariannol.

“Mae o gwmpas 2% o swyddi bancio ac yswiriant, neu 2% i 3% o swyddi’r ddinas os ydych chi’n defnyddio rhifiadur arall.

Mae hyn yn ffigwr lot llai, dyw e ddim yn ffigwr anarwyddocaol, ond mae e dipyn yn llai.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd