Mae banc HSBC wedi rhybuddio y gallai 30,000 o swyddi fynd erbyn 2013.
Mae’r cwmni yn y broses o dorri 5,000 o swyddi ond dywedodd y Prif Weithredwr Stuart Gulliver y bydd yna ddiswyddiadau pellach.
Ond mynnodd nad oedd y ffigwr 30,000 yn cynnwys cynlluniau’r banc i ehangu ymhellach yn y dyfodol.
Daw’r toriadau arfaethedig er gwaethaf canlyniadau gwell na’r disgwyl dros y chwe mis i fis Mehefin.
Roedd elw wedi gwella 3% i $11.5 biliwn (£7 biliwn), â changen HSBC yn Asia yn bennaf gyfrifol am hynny.
Mae disgwyl i Barclays, Lloyds Banking Group a Royal Bank of Scotland gyhoeddi gostyngiad mewn elw am y cyfnod dan sylw.
Elw ym Mhrydain
Cynyddodd elw HSBC 29% ym Mhrydain, i £843 miliwn. Mae ganddyn nhw 1,290 o ganghennau a 52,000 o staff yma.
Mae’r cwmni yn cyflogi tua 335,000 o bobol ledled y byd.
Cyhoeddwyd yr wythnos diwethaf y bydd HSBC Llandysul yn cau, a cyfrifon y casmeriaid yn cael eu symud i Gaerfyrddin.
