Disgwyl y bydd moch daear yn cael eu difa yn Lloegr

 


Mochyn Daear
Mae disgwyl i Lywodraeth San Steffan gyhoeddi heddiw eu bod nhw’n mynd i ddifa moch daear yn Lloegr.

Mae ffermwyr wedi galw am ddifa’r anifeiliaid, sy’n cario a lledaenu TB ychol, er mwyn ceisio atal yr afiechyd sy’n broblem fawr yng Nghymru a De Orllewin Lloegr.

Fe fydd yr Ysgrifennydd Amgylcheddol, Caroline Spelman, yn datgelu’r cynlluniau yn Nhŷ’r Cyffredin heddiw.

Daw’r cyhoeddiad wedi i Lywodraeth newydd Cymru benderfynu peidio â bwrw ymlaen â difa moch daear, ar ôl i’r llywodraeth glymbleidiol flaenorol ei gefnogi.

Cyhoeddodd Gweinidog Amgylcheddol Llywodraeth Cymru, John Griffiths, fis diwethaf eu bod nhw’n bwriadu comisiynu panel arbenigol er mwyn cynnal ymchwiliad gwyddonol i’r dystiolaeth cyn bwrw ymlaen â’r cynllun.

Dywedodd y bydd yr adroddiad wedi ei gwblhau erbyn yr hydref.

Ymddiswyddodd cadeiryddion tri bwrdd rhanbarthol sy’n gyfrifol am geisio cael gwared â TB ychol yn sgil y penderfyniad gan honni fod Llywodraeth Cymru wedi eu “camarwain”.

Gwrthwynebu

Mae mudiadau diogelu anifeiliaid wedi dweud nad difa moch daear yw’r ffordd gorau o warchod yn erbyn yr afiechyd.

Yr wythnos diwethaf dywedodd yr Arglwydd Kerbs, oedd wedi cynnal ymchwiliad trwyadl i’r cysylltiad rhwng moch daear a TB ychol yn y 90au, nad oedd yn credu fod difa moch daear yn “bolisi effeithiol”.

“Mae’r dystiolaeth yn awgrymu fod difa moch daear am bedair blynedd yn lleihau TB mewn gwartheg tua 12% i 16%,” meddai.

“Felly bydd 85% o’r broblem dal yno ar ôl mynd i’r holl drafferth o ddifa nifer fawr o foch daear.

“Nid yw’n fy nharo i fel modd effeithiol o reoli’r afiechyd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones