News of the World yn cau

Diweddarwyd am  


Mae News International wedi cyhoeddi y bydd papur newydd y News of the World yn dod i ben.

Rhifyn dydd Sul nesa’ fydd yr ola’ yn hanes y papur tabloid sy’n gwerthu 2.66m o gopiau, mwy na’r un arall yng ngwledydd Prydain.

Mae disgwyl y bydd swyddi yn cael eu colli wrth i’r papur newydd 168 oed gau.

Mae’r penderfyniad yn dod yn sgil y sgandal tros weithgareddau rhai o newyddiadurwyr y papur yn torri i mewn i negeseuon ffôn pobol, gan gynnwys enwogion, teuluoedd milwyr marw, a’r ferch Milly Dowler a oedd wedi ei llofruddio.

Fe ddaeth y cyhoeddiad gan bennaeth y cwmni, James Murdoch, a ddywedodd fod y papur wedi methu yn ei genhadaeth o ddal pobol eraill i gyfri.

Ddoe, roedd y Prif Weinidog, David Cameron, wedi cyhoeddi y byddai ymchwiliad i’r helynt ac roedd rhai o hysbysebwyr mwya’r papur wedi atal eu busnes gydag ef.

“Ar ôl trafod â chyd-weithwyr rydw i wedi penderfynu bod angen gweithredu pendant. Dydd Sul yma fydd yn News of the World olaf un,” meddai James Murdoch, cadeirydd News International.

“Mae’r gwaith da y mae’r News of the World yn ei wneud wedi ei diwyno gan ymddygiad oedd yn anghywir.

“Os ydi’r honiadau diweddar yn wir roedd yn annynol a does ganddo ddim rhan i’w chwarae yn ein cwmni ni.

“Gwaith y News of the World yw dal pobol i gyfrif. Ond methodd yn ei achos ei hun.”

Ychwanegodd fod y News of the World a News International wedi mynnu, “yn anghywir”, mai un gohebydd oedd y drwg yn y caws.

“Rydyn ni bellach wedi rhoi tystiolaeth i’r heddlu yr ydw i’n credu sy’n profi nad oedd hynny’n wir ac fe fydd rhaid i’r rheini sydd wedi gweithredu mewn modd anghywir wynebu’r canlyniadau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd