Giggs yn gweithredu’n erbyn y News of the World

 


Ryan Giggs (Llun Man Utd)
Ryan Giggs yw’r diweddara’ i ddod ag achos yn erbyn papur newydd y News of the World tros honiadau o hacio i’w negeseuon ffôn symudol.

Fe gadarnhaodd cyfreithwyr y pêl-droediwr eu bod nhw’n cymryd camau cyfreithiol yn erbyn News International, perchnogion y News of the World a’r Sun.

Fe ddaw hynny ar ôl i’r papur Sul gyhoeddi straeon yn honni bod Giggs, sy’n ŵr priod ac yn dad i ddau o blant, wedi cael perthynas rywiol gyda’r fodel Gymraeg Imogen Thomas a gwraig ei frawd, Rhodri.

Stori Imogen Thomas oedd ynghanol cyfres o achosion llys, pan gafodd Giggs waharddiad i atal neb rhag ei enwi – cyn i hynny gael ei chwalu gan straeon ar y We a datganiad gan Aelod Seneddol.

Yn ôl y papurau, mae’r chwaraewr 37 oed wedi gwadu’r stori am ei chwaer yng nghyfraith.

Y cefndir

Erbyn hyn, mae nifer mawr o enwogion a ffigurau cyhoeddus wedi dechrau gweithredu yn erbyn News International ar ôl iddyn nhw gyfadde’ bod eu newyddiadurwyr ac ymchwilwyr preifat wedi torri i mewn i negeseuon ffôn symudol.

Ynghynt y mis yma, fe gafodd yr actores Sienna Miller iawndal o £100,000 yn yr Uchel Lys ar ôl dod ag achos yn erbyn y cwmni papurau newydd am darfu ar breifatrwydd a phlagio

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer