Jeremy Hunt
Mae’r Ysgrifennydd Diwylliant, Jeremy Hunt, wedi galw ar Gymdeithasau Bêl Droed Cymru, yr Alban a Gogledd Iwerddon i beidio â throi eu cefnau ar y syniad o sefydlu tîm Prydeinig ar gyfer Gemau Olympaidd Llundain.
Dywedodd Prif Weithredwr Cymdeithas Bêl Droed Cymru, Jonathan Ford, mai’r nod oedd gwarchod annibyniaeth y gymdeithas.
“Dyw ein barn ni ar y mater ddim wedi newid ac mae’n annhebygol o newid,” meddai Jonathan Ford.
Ond mae llywydd FIFA, Sepp Blatter, wedi dweud na fyddai uno ar gyfer y gemau yn 2012 yn bygwth annibyniaeth y gwledydd cartref.
“Fe fyddai’n siomedig iawn pe bai pob chwaraewr yn dod o Loegr,” meddai Jeremy Hunt.
“Mae Sepp Blatter a Jim Boyce (is-lywydd newydd FIFA) wedi dweud na fydd yna unrhyw fygythiad i’w hannibyniaeth.
“Rwy’n credu ei fod yn bryd i bêl droed roi’r gwleidyddiaeth o’r neilltu a meddwl am yr athletwyr.”