Ymgyrch i ddileu CBE Harvey Weinstein

 


Harvey Weinstein CBE - ar hyn o bryd (David Shankbone CCA3.0)
Mae ymgyrch ar droed i gael gwared ar un o anrhydeddau’r cynhyrchydd ffilm, Harvey Weinstein, sy’n wynebu cyfres o honiadau’n ymwneud ag ymosodiadau rhywiol.

Mae’r ymgyrch yn cael ei arwain gan Chi Onwurah, Aelod Seneddol Llafur Newcastle, wrth iddi alwam ddileu’r CBE a gafodd y dyn pwerus o Hollywood.

Mae wedi ysgrifennu at gadeirydd y Pwyllgor Colli Anrhydeddau, Jeremy Heywood, yn gofyn am ddileu’r teitl.

Gwahardd o’r Academi

Fe gafodd Harvey Weinstein y CBE yn wreiddiol am “gyfraniad arbennig i’r diwydiant ffilm Prydeinig”.

Ond erbyn hyn mae wedi’i wahardd o Sefydliad yr Academi sy’n gyfrifol am ddyfarnu gwobrau’r Oscars, ac mae Academi Brydeinig Celfyddydau Ffilm a Theledu (BAFTA) wedi dweud eu bod nhw’n dileu ei aelodaeth ohoni hithau..

Daw hyn yn wyneb honiadau gan sêr Hollywood iddo aflonyddu ac ymosod yn rhywiol arnyn nhw – mae tair actores o wledydd Prydain wedi gwneud honiadau tebyg, gan gynnwys treisio.

Mae Heddlu Llundain wedi cadarnhau eu bod nhw’n ymchwilio i honiadau yn ei erbyn yn 2010, 2011 a 2015.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd