Daeth cadarnhad y bydd prif swyddog gweithrediadau cwmni awyr Ryanair yn gadael y cwmni ddiwedd y mis.
Daw’r newyddion ar ôl o filoedd o deithiau awyr gael eu canslo hyd at fis Mawrth y flwyddyn nesaf yn sgil gwallau yn y modd y caiff peilotiaid eu hamserlennu ar gyfer teithiau.
Mae canslo’r teithiau wedi effeithio ar 700,000 o deithwyr.
Er ei ymddiswyddiad, daeth cadarnhad y bydd Michael Hickey yn parhau i fod yn ymgynghorydd i’r cwmni.
Roedd y cwmni wedi bod dan y lach am ganslo 50 o deithiau y dydd ganol fis Medi cyn i 18,000 o deithiau gael eu canslo ddiwedd y mis.
Mae Ryanair yn mynnu eu bod nhw wedi cymryd camau priodol i ddatrys y sefyllfa ddiweddar.
