RSS

Golwg360

MwyCau 

Ewrop: “Fe fydd pobol Prydain yn difaru pleidleisio tros Brexit”

Medi 13, 2017 16:08 Diweddarwyd am 16:04


Jean-Claude Juncker, ar y chwith, yn cyfarfod David Cameron cyn y refferendwm (Llun: PA)
Fe fydd pobol Prydain yn difaru pleidleisio o blaid Brexit, ac mi fydd yr Undeb Ewropeaidd yn symud ymlaen hebddyn nhw, yn ôl Llywydd y Comisiwn Ewropeaidd.

Wrth amlinellu cynlluniau am ddyfodol yr Undeb Ewropeaidd mewn araith ddydd Mercher (Medi 13), dywedodd Jean-Claude Juncker y bydd Brexit yn foment “trist iawn a thrasig”.

Er hynny, mynnodd bod Ewrop â “gwynt yn ei hwyliau unwaith eto” gan ychwanegu fod cynrychiolwyr gwledydd y byd yn heidio i Frwsel er mwyn sefydlu cytundebau masnach â’r undeb.

Yn ystod yr araith awr o hyd, gwnaeth Jean-Claude Juncker hefyd gyhoeddi cynlluniau i ddatblygu symudiad rhydd ar y cyfandir, ehangu’r defnydd o’r ewro ac i gynyddu nifer aelodau’r undeb.

Symud ymlaen

“Bydd hyn yn foment trist iawn a thrasig yn ein hanes,” meddai Jean-Claude Juncker. “Byddwn yn difaru hyn, a dw i’n credu y byddwch chi’n difaru hefyd, yn fuan.”

“Er hynny, rhaid parchu ewyllys y bobol Brydeinig. Ond, mi rydym ni’n mynd i ddatblygu. Byddwn yn symud ymlaen oherwydd nid Brexit yw popeth.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.