Corff rheoli’n colli cyfrifoldeb dros Dŵr Grenfell

 


Y bloc fflatiau'n llosgi (Natalie Oxford CCA 4.0 Rhyngwladol)
Mae Prif Weinidog Prydain wedi cyhoeddi y bydd corff rheoli bloc fflatiau Tŵr Grenfell yn colli cyfrifoldeb dros y safle a’r tai o’i amgylch.

Daeth y cadarnhad yn ystod cyfarfod nos Fawrth rhwng Theresa May a rhwng 60 a 70 o oroeswyr y trychineb – trychineb lle bu farw dros 80 o bobol.

Yn ystod y cyfarfod dywedodd Thersa May “na fyddai’r Sefydliad Rheolaeth Tenantiaid (TMO) yn parhau i fod yn gyfrifol amystâd dai Lancaster West”.

‘Methu ag ymateb’

Yn y cyfarfod, roedd y Prif Weinidog gyfaddef bod Cyngor Kensington a Chelsea – sydd yn cael ei arwain gan Dorïaid – wedi “methu ag ymateb yn ddigon cyflym i’r tân”.

Derbyniodd Theresa May ymateb chwyrn gan oroeswyr y trychineb yn ystod cyfarfod ddiweddar, ond mynnodd eu bod yn “blês” â chasgliadau cyfarfod nos Fawrth.

Roedd hithau wedi cael ei beirniadu adeg y drychineb am fethu â chwrdd a theuluoedd y meirw a thrigolion lleol eraill.

Ymchwiliad

Bydd gwrandawiad cyntaf ymchwiliad o’r trychineb yn cael ei chynnal mis nesaf, ac mae disgwyl i’r adroddiad cyntaf gael ei chyhoeddi yn ystod Pasg.

Mi fydd yr ymchwiliad yn craffu ar ymateb awdurdodau i’r tân, ac yn ystyried os ydy rheoliadau adeiladau yn ddigonol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd