Mae ymgeisydd gwrth-Islamaidd yn y ras i fod yn arweinydd nesaf plaid Ukip.
Mae ymgeisyddiaeth Anne Marie Waters, sylfaenydd Sharia Watch, wedi cael ei derbyn, ac mae hi ymhlith 11 o bobol sydd eisiau olynu Paul Nuttall.
Yn y gorffennol, mae hi wedi dweud bod y ffydd Islamaidd yn “anfad”.
Mae ei hymgeisyddiaeth wedi hollti barn aelodau’r blaid, gyda rhai ohonyn nhw’n bygwth gadael pe bai hi’n cael ei hethol.
Mae’r cyn-arweinydd, Nigel Farage wedi rhybuddio y byddai hi “ar ben” ar y blaid pe bai hynny’n digwydd.
Ymddiswyddodd Paul Nuttall yn sgil canlyniadau siomedig y blaid yn yr etholiad cyffredinol fis Mehefin.
Bydd aelodau’n derbyn papurau pleidleisio ar Fedi 1, a bydd enw’r arweinydd newydd yn cael ei gyhoeddi ar Fedi 29.
Yr ymgeiswyr:
David Allen
Henry Bolton
David Coburn
Jane Collins
David Kurten
Marion Mason
Aidan Powlesland
John Rees-Evans
Ben Walker
Anne Marie Waters
Peter Whittle