‘Rhy ofnus i ddianc’ – model wedi’i ‘herwgipio’

 


Llun: PA
Roedd dynes 20 oed o Brydain “yn rhy ofnus” i ddianc yn dilyn honiadau iddi gael ei herwgipio yn yr Eidal fis diwethaf.

Yn ôl cyfreithiwr y ferch a weithiai fel model, sef Chloe Ayling, fe gafodd hi ei chipio fis diwethaf gan grŵp sy’n galw eu hunain yn ‘Black Death’.

Mae lle i gredu iddi gael ei chludo dan gyffur i bentref ynysig ger Turin lle cafodd ei dal am chwe diwrnod gyda’r herwgipwyr yn ceisio ei gwerthu ar y we.

Dywedodd ei chyfreithiwr, Francesco Pesce, iddi gael gwybod bod pobol yn ei gwylio ac y byddai’n cael ei lladd petai’n ceisio dianc ac, am hynny, ei bod wedi gwneud fel yr oedd hi’n cael ei gorchymyn i wneud.

Dywedodd y cyfreithiwr ar raglen Radio 4 – “cafodd hi wybod ei bod yn mynd i gael ei gwerthu i rywun o’r Dwyrain Canol am ryw.”

‘Profiad dychrynllyd’

Dywedodd llefarydd ar ran Supermodels Agency, ei hasiantaeth modelu, Phil Green, ei bod wedi mynd i’r Gonswliaeth Brydeinig yn Milan ar ôl y “profiad dychrynllyd” ac na fedrai ddychwelyd i Brydain am bron i dair wythnos.

“Cafodd pasbort Chloe ei ddal gan heddlu’r Eidal nad oedd yn gadael iddi ddychwelyd i’r Deyrnas Unedig tan iddi roi tystiolaeth mewn gwrandawiad cyn yr achos ar Awst 4,” meddai.

Ymchwiliad

Mae’r heddlu wedi cadarnhau fod dyn 30 oed o’r enw  Lukasz Pawel Herba o Wlad Pwyl yn wreiddiol, ond a fu’n byw ym Mhrydain, wedi’i arestio ar Orffennaf 18 ar amheuaeth o herwgipio.

Cadarnhaodd Asiantaeth Troseddu Cenedlaethol (NCA) y Deyrnas Unedig eu bod yn cynorthwyo gyda’r ymchwiliad.

“Cafodd tŷ yn ardal Oldbury wedi’i gysylltu â Lukasz Pawel Herba ei archwilio ar Orffennaf 18 gan swyddogion Emsou gyda chymorth gan Heddlu Gorllewin Canolbarth Lloegr,” meddai datganiad yr Asiantaeth.

“Cafodd offer cyfrifiadur ei gymryd i’w archwilio’n fforensig.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed