Actor ‘Cornelius’ a ‘Siegfried’ wedi marw

Diweddarwyd  


Robert Hardy yn y canol (Llun cyhoeddusrwydd y BBC ar gyfer All Creatures Great and Small)
Mae’r actor a oedd yn enwog am chwarae rhan y Gweinidog Hud, Cornelius Fudge, mewn ffilmiau Harry Potter, wedi marw yn 91 oed.

Roedd Robert Hardy, a oedd yn enedigol o Cheltenham, hefyd yn enwog am bortreadu’r cymeriad Siegfried Farnon yn y gyfres All Creatures Great and Small ar y BBC a bu’n wyneb cyfarwydd ym myd y theatr, teledu a ffilm am dros 70 mlynedd.

Roedd yn ffrind i’r actor Cymraeg Richard Burton ar ôl iddyn nhw gwrdd ym Mhrifysgol Rhydychen.

“Bywyd rhagorol”

Mewn datganiad ar ran y teulu, mae ei blant wedi talu teyrnged i ŵr a oedd yn ieithydd, yn artist, yn garwr cerddoriaeth a llenyddiaeth, yn ogystal â hanesydd o fri.

Roedd yn arbenigwr ar y bwa hir ac a fu’n rhan o’r tîm a wnaeth godi’r llong rhyfel, The Mary Rose, yn 1982 wedi 473 o flynyddoedd o fod dan ddŵr.

“Caredig, pefriol ac wastad yn urddasol; mae’n cael ei ddathlu gan bawb a oedd yn ei adnabod ac yn ei garu, a phawb a wnaeth fwynhau ei waith,” medden nhw.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019