Miliwn o fenywod yn “dlotach” ar ôl diwygiad pensiynau

Diweddarwyd am  


Mae dros filiwn o fenywod yn eu 60au mewn sefyllfa waeth yn ariannol yn sgil cynnydd i’r oedran pensiwn gwladol, yn ôl adroddiad newydd.

Gwnaeth economegwyr o’r Sefydliad Astudiaethau Cyllid (IFS) ddarganfod bod menywod rhwng 60 a 63 oed bellach ar gyfartaledd yn dlotach gan £32 bob wythnos.

Cynyddodd yr oedran ar gyfer hawlio pensiwn gwladol i fenywod yr oedran yma rhwng 2010 a 2016, gan arbed £5.1 biliwn y flwyddyn i Lywodraeth y Deyrnas Unedig.

Mae’r newidiadau wedi hybu cyfraddau cyflogaeth – gan fod mwy o fenywod yn parhau i weithio – ac wedi arwain at gynnydd o £0.9 biliwn mewn refeniw treth i’r Llywodraeth.

“Teg a chynaladwy”

“Mae’r penderfyniad i gynyddu’r oedran pensiwn gwladol yn deg ac yn gynaliadwy ar gyfer cenedlaethau’r dyfodol, ac yn cyd-fynd â’r cynnydd disgwyliedig mewn hyd oes dinasyddion Prydain,” meddai llefarydd ar ran yr Adran Gwaith a Phensiynau.

“Mae menywod sydd yn ymddeol heddiw yn parhau i fedru disgwyl pensiwn gwladol am dros 24.5 blynedd ar gyfartaledd – sydd yn hirach na chyfnod pensiwn pob cenhedlaeth flaenorol ac sydd yn hirach na’r cyfnod i ddynion.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd