Paentiad gan Syr Winston Churchill ar werth

 


Paentiad gan Syr Winston Churchill (Llun: Sotheby's/PA Wire)
Fe allai paentiad gan Syr Winston Churchill gael ei werthu am hyd at £100,000 mewn ocsiwn yn Sotheby’s yn Llundain.

Roedd yr actores Vivien Leigh yn hoff iawn o ‘Roses In a Glass Vase’, ac roedd y paentiad gyferbyn â’i gwely ar ôl i gyn-Brif Weinidog Prydain ei roi’n anrheg iddi yn 1951.

Cafodd ei roi iddi yn dilyn parti i ddathlu pen-blwydd Syr Laurence Olivier, gŵr yr actores.

Cafodd ei baentio gan ddefnyddio blodau yr oedd e wedi’u casglu o’i ardd yn Chartwell yn Swydd Gaint.

Bydd y paentiad yn cael ei arddangos yn Sotheby’s cyn yr arwerthiant ar Fedi 26.

Paentiad gan Vivien Leigh

Adeg yr arwerthiant, fe fydd paentiad gan yr actores Vivien Leigh ei hun yn cael ei ddadorchuddio.

Fe fydd y paentiad o dirlun yr Eidal yn cael ei werthu, ynghyd â chwdyn cynfas, bocs pren ac îsl yr actores.

Mae lle i gredu ei bod hi wedi cael ei hysbrydoli i baentio ar ôl darllen llyfr gan Syr Winston Churchill ar ei hoffter o gelf.

Gallai copi o’r llyfr sy’n cynnwys ei ysgrifen werthu am hyd at £2,000.

Fe fydd llythyron a chartwnau hefyd yn rhan o’r casgliad fydd yn cael ei werthu.

Bydd y paentiadau’n cael eu harddangos yn Sotheby’s yn Llundain o Orffennaf 17 i Awst 11.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd