RSS

Golwg360

MwyCau 

Theresa May: “Ni fydd casineb a malais o’r math hwn byth yn llwyddo”

Mehefin 19, 2017 13:50 Diweddarwyd Mehefin 20, 2017 19:24


Theresa May (Llun o'i chyfri Twitter)
Mae’r Prif Weinidog wedi cadarnhau fod yr heddlu’n credu bod  y dyn wnaeth ymosod ar addolwyr ger mosg yng ngogledd Llundain wedi gweithredu wrth ei hun.

Daw cyhoeddiad Theresa May wedi iddi gadeirio cyfarfod brys o bwyllgor argyfyngau Cobra y bore yma gan ddweud na fydd “casineb a malais o’r math hwn byth yn llwyddo.”

Mae’n debyg nad oedd yr ymosodwr yn hysbys i’r gwasanaethau diogelwch, meddai’r Gweinidog Diolgelwch Ben Wallace.

Mae Comisiynydd yr Heddlu Metropolitan Cressida Dick wedi dweud bod y digwyddiad “yn amlwg yn ymosodiad ar Fwslimiaid.”

Bu farw dyn a chafodd 8 o bobl eu cludo i’r ysbyty ar ôl i fan gael ei gyrru’n fwriadol at gerddwyr ger mosg yn Finsbury Park yn gynnar y bore ’ma.

Mae’r digwyddiad yn cael ei drin fel ymosodiad brawychol, gydag adroddiadau bod y fan wedi’i llogi gan gwmni Pontyclun Van Hire ym Mhont-y-clun ger Caerdydd. Mewn datganiad mae’r cwmni wedi dweud eu bod yn cydweithredu gydag ymchwiliad yr heddlu a’u bod wedi’u “synnu a’u tristau” o glywed am yr ymosodiad.

‘Rhannu’r un nod sylfaenol’

Dywedodd Theresa May y bydd yr heddlu’n parhau i asesu anghenion diogelwch mosgiau a darparu unrhyw ffynonellau ychwanegol sydd eu hangen.

“Roedd hwn yn ymosodiad ar Fwslimiaid yn eu lle addoli, ac fel gyda brawychiaeth yn ei holl ffurf, mae’n rhannu’r un nod sylfaenol. Mae’n ceisio ein gyrru ar wahân a thorri’r cysylltiadau gwerthfawr o undod a dinasyddiaeth rydyn ni’n eu rhannu,” meddai Theresa May.

“Byddwn ni ddim yn gadael i hyn ddigwydd,” meddai gan ddweud: “mae’n ein hatgoffa fod brawychiaeth, eithafiaeth a chasineb yn dod mewn nifer o wahanol ffurfiau ac mae’n rhaid i’n penderfyniad i’w daclo fod yr un peth pwy bynnag sy’n gyfrifol.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.