Ymosodiadau brawychol Llundain: canfod wythfed corff yn afon Tafwys

 


Mae corff dyn o Ffrainc wedi cael ei ddarganfod yn afon Tafwys yn dilyn yr ymosodiadau brawychol yn Llundain y penwythnos diwethaf.

Mae’n golygu bod nifer y meirw wedi cynyddu i wyth.

Mae lle i gredu bod Xavier Thomas, 45, wedi cael ei daro gan fan y brawychwyr ar bont San Steffan, a’i fod e wedi cael ei fwrw i’r dŵr.

Cafwyd hyd i’w gorff ger pont Llundain am oddeutu 7.45yh nos Fawrth. Dyw ei gorff ddim wedi cael ei adnabod yn ffurfiol eto, ond mae ei deulu wedi cael gwybod.

Roedd e a’i bartner Christine Delcros wedi bod yn ymweld â’r ddinas am y penwythnos, ac roedden nhw’n croesi’r bont pan ddigwyddodd y cyfres o ymosodiadau.

Cafodd Christine Delcros ei hanafu’n ddifrifol yn y digwyddiad, ond mae hi mewn cyflwr sefydlog yn yr ysbyty erbyn hyn.

Y meirw

Fe fu farw saith o bobol eraill yn yr ymosodiadau ar bont Llundain a Borough Market, ac mae pedwar ohonyn nhw wedi’u henwi eisoes:

James McMullan, 32, o Hackney;

Christine Archibald, 30, o Ganada;

Kirsty Boden, 28, o Awstralia;

Alexandre Pigeard, 27.

Yr ymchwiliad

Yn dilyn yr ymosodiadau, mae’r awdurdodau wedi cael eu beirniadu am y ffordd maen nhw’n ymdrin â’r ymchwiliad.

Roedd un o’r brawychwyr, Youssef Zaghba ar restr o bobol oedd yn peryglu diogelwch gwledydd Prydain, ond fe gafodd e ganiatâd i ddod serch hynny.

Mae lle i gredu ei fod e wedi dweud wrth heddlu’r Eidal ei fod e am fod yn frawychwr wrth iddyn nhw ei atal e rhag teithio i Syria.

Ond doedd dim digon o dystiolaeth i ddwyn achos yn ei erbyn ar y pryd, ac fe fu’n byw yn nwyrain Llundain yn ddiweddar.

Roedd yr awdurdodau hefyd yn gwybod am Khuram Shazad Butt, 27, a Rachid Redouane, 30. Cafodd wyth o bobol eu lladd gan y tri, a 48 eu hanafu.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl