RSS

Golwg360

MwyCau 

Yr Alban – yr SNP’n parhau ar y blaen

Mai 19, 2017 08:48


Ruth Davidson - y bygythiad mwya i'r SNP (Llun o'i chyfri Twitter)
Fe ddylai plaid annibyniaeth yr SNP ennill mwyafrif mawr o seddi’r Alban yn ôl y pôl piniwn diweddara’.

Ond mae cynnydd y Ceidwadwyr hefyd yn parhau ac arweinwyr y ddwy blaid – Nicola Sturgeon a Ruyth Davidson – yw’r rhai mwya’ poblogaidd.

Mae’r SNP, y Ceidwadwyr a Llafur i gyd wedi ennill pwynt ers yr arolwg diwetha’ a’r Democratiaid Rhyddfrydol wedi colli un.

SNP – tri chwarter y seddi

Yn ôl arolwg YouGov, mae’r canrannau’n awgrymu y byddai Llafur yn aros ar ddim ond un sedd – fe fyddai’r SNP yn cael 47, y Ceidwadwyr yn cael 8 a’r Democratiaid Rhyddfrydol yn cael 3.

Mae hynny’n golygu y byddai’r SNP yn colli seddi o gymharu â 2015, ond fe fyddai hynny’n dal i gael ei ystyried yn ganlyniad da.

Yn yr Alban, mae’r ymgyrch wedi crynhoi o amgylch y ddadl annibyniaeth, gyda’r Ceidadwyr yn arwain y gwrthwynebiad.

Mae’r pôl yn awgrymu bod y farn ar y pwnc hwnnw yn aros yn union fel yr oedd adeg y refferendwm yn 2014.

Y ffigurau

Dyma’r canrannau yn ôl y pôl:

SNP                       42%

Ceidwadwyr        29%

Llafur                    19%

Dem Rhydd           6%

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.