Mae’r heddlu wedi enwi’r ferch 11 oed fu farw ar ôl cwympo o atyniad dŵr ym mharc antur Drayton Manor yn Swydd Staffordd ddoe.
Cwympodd Evha Jannath o Gaerlŷr allan o gwch ar y Splash Canyon yn ystod taith ysgol.
Cafodd hi ei thynnu o’r dŵr er mwyn derbyn triniaeth, cyn iddi gael ei throsglwyddo i Ysbyty Plant Birmingham, lle bu farw’n ddiweddarach.
Bydd y parc antur ynghau heddiw wrth i ymchwiliad y Gweithgor Iechyd a Diogelwch barhau.
Bydd ei hysgol – ysgol integredig i Fwslemiaid – hefyd ynghau ddydd Mercher.
