RSS

Golwg360

MwyCau 

Plant “fel sardîns” mewn dosbarthiadau “anferthol”

Ebrill 21, 2017 12:57


Wrth iddo ddod i Gymru yn hwyrach y prynhawn yma mae Jeremy Corbyn wedi dweud bod plant “fel sardîns” mewn dosbarthiadau “anferthol”.

Mae disgwyl i Arweinydd Llafur ymgyrchu yng Nghaerdydd heddiw a record y  Torïaid ym maes addysg sydd dan y lach.

Yn ôl dadansoddiad Llafur o ystadegau Adran Addysg Llywodraeth Prydain, mae 40,000 o blant cynradd Lloegr yn cael eu dysgu mewn dosbarthiadau gyda 36 neu fwy o blant yn 2016.

Roedd 16,655 yn cael eu dysgu mewn dosbarthiadau gyda 40 neu fwy o blant.

Yn 2016 roedd 109 o ysgolion cynradd gyda 800 neu fwy o blant, o gymharu gydag 16 o ysgolion pan ddaeth y Ceidwadwyr i rym yn 2010.

“Mae saith mlynedd o addewidion gwag a methiannau Torïaidd wedi creu llanast yn ein hysgolion,” meddai Jeremy Corbyn.

“Mae cannoedd o filoedd o’n plant yn talu’r pris, wedi eu gwasgu fel sardîns yn yr ystafell ddosbarth.”

Ond mae’r Ceidwadwyr wedi taro yn ôl drwy ddweud bod record Llafur o ran rheoli addysg yng Nghymru yn wael.

“Mae nifer y plant bach mewn dosbarthiadau mawr [yng Nghymru] wedi cynyddu 18% mewn tair blynedd,” meddai llefarydd y Blaid Geidwadol.

£10 yr awr

Yn ogystal â thrafod addysg, mae Jeremy Corbyn wedi addo gwahardd cytundebau dim-oriau a chynyddu’r isafswm cyflog i £10.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.