RSS

Golwg360

MwyCau 

Canmol tywysog am helpu i ‘newid agweddau’

Ebrill 17, 2017 12:05


Tywysog Harry (Military Health CCA2.0)
Mae’r Tywysog Harry wedi cael ei ganmol am siarad yn agored am gael cymorth seiciatryddol i’w helpu i ddygymod â marwolaeth ei fam, y Dywysoges Diana, ugain mlynedd yn ôl.

Yn ôl yr elusen Time to Change, fe allai agweddau newid oherwydd datganiad y tywysog mewn cyfweliad gyda phapur newydd y Daily Telegraph.

Fe ddywedodd ei fod wedi cael cymorth meddygol yn ystod y ddwy flynedd ddiwetha’ ar ôl bod am 20 mlynedd yn osgoi delio â marwolaeth ei fam mewn damwain car ym Mharis ym mis Awst 1997.

Roedd wedi treulio ugain mlynedd yn claddu ei ben yn y tywod ac wedi diodde’ dwy flynedd o “anhrefnm llwyr”, meddai wrth y papur.

Ymgyrch iechyd meddwl

Fe ddaw’r cyfweliad ynghanol ymgyrch gan elusen arall, Sefydliad Meddwl Shaw, i gael addysg iechyd meddwl ym mhob ysgol uwchradd.

Mae hefyd ychydig llai nag wythnos cyn Marathon Llundain sy’n codi arian eleni at glymblaid o elusennau iechyd meddwl, Heads Together.

“Fe fydd y ffaith fod y Tywysog Harry wedi rhannu ei brofiadau o faterion iechyd meddwl ac o gael cwnsela ar ôl colli ei fam yn helpu i newid agweddau, dramor yn ogystal â gartre’,” meddai cyfarwyddwraig Time to Change, Sue Baker.

Roedd yn freuddwyd ganddi, meddai, i gael aelodau o’r teulu brenhinol yn ymuno ag enwogion eraill i siarad am y maes.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.