Bomio Syria “mewn peryg o waethygu’r rhyfel”

 


Jeremy Corbyn
Mae Arweinydd y Blaid Lafur wedi condemnio ymosodiad America ar Syria, gan ddweud ei fod  “mewn peryg o waethygu’r rhyfel” yno.

Yn ôl Jeremy Corbyn fe allai penderfyniad Donald Trump, Arlywydd America, i danio taflegrau at faes awyr yn Syria waethygu rhyfel yn y wlad sydd eisoes wedi lladd cannoedd o filoedd o bobol.

Mae  Arweinydd y Blaid Lafur wedi galw ar Lywodraeth Prydain i bwyso ar Donald Trump i drafod ffyrdd o sicrhau heddwch yn Syria.

Ond mae Llywodraeth Prydain eisoes wedi dweud bod y bomio yn “ymateb priodol” i’r ffaith fod Arlywydd Syria wedi lladd dros 80 o bobl gydag arfau cemegol ddydd Mawrth yr wythnos hon.

Dywedodd Jeremy Corbyn: “Mae ymosodiad taflegrau America ar safle awyr Llywodraeth Syria mewn peryg o waethygu’r rhyfel yn Syria a’i gwneud yn waeth.

“Roedd ymosodiad cemegol ddydd Mawrth yn drosedd rhyfel sy’n galw am ymchwiliad annibynnol brys gan y Cenhedloedd Unedig ac mae angen i’r rhai sy’n gyfrifol fod yn atebol.

“Ond mae gweithredu yn filwrol heb awdurdod cyfreithiol neu gadarnhad annibynnol yn peryglu gwaethygu cyflafan amlochrog sydd eisoes wedi lladd cannoedd o filoedd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd