Teulu Mark Duggan yn colli her gyfreithiol

 


Mam Mark Duggan, Pam Duggan, a'i mab Marlon Duggan yn 2014 Llun: PA
Mae teulu Mark Duggan, 29, wedi colli her gyfreithiol yn erbyn dyfarniad y cwest i’w farwolaeth oedd yn dweud ei fod e wedi cael ei ladd yn gyfreithlon.

Roedd e wedi’i amau o fod ag arfau yn ei feddiant pan gafodd ei saethu’n farw gan yr heddlu mewn tacsi yng ngogledd Llundain yn 2011.

Arweiniodd ei farwolaeth at derfysgoedd drwy wledydd Prydain.

Penderfynodd yr Uchel Lys yn 2014 ei fod e wedi cael ei ladd yn gyfreithlon ac nad oedden nhw’n mynd i wyrdroi dyfarniad y rheithgor yn y cwest.

Roedd ei fam wedi gofyn i’r llys ddiddymu’r dyfarniad, ond doedd hi ddim yn gofyn am gwest o’r newydd.

Ond cafodd ei hapêl ei gwrthod heddiw.

Achos Mark Duggan

Roedd yr heddlu wedi bod yn dilyn y tacsi roedd Mark Duggan yn teithio ynddo ym mis Awst 2011.

Roedden nhw’n amau ei fod e wedi bod i gasglu dryll a bod ganddo’r arf yn y tacsi.

Penderfynodd y rheithgor fod Mark Duggan wedi gollwng y dryll ar laswellt ar ôl neidio o’r tacsi, ond roedd y plismon oedd wedi ei saethu’n credu bod yr arf yn dal yn ei feddiant.

Roedd cyfreithwyr ar ran y teulu’n dadlau bod dyfarniad y crwner wedi cael ei wneud ar gam ac ar sail tystiolaeth y plismon yn unig.

Ond doedd hynny ddim wedi effeithio’n ddigonol ar benderfyniad y rheithgor, yn ôl y Llys Apêl.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed