RSS

Golwg360

MwyCau 

George Osborne yn amddiffyn ei benodiad gan bapur newydd

Mawrth 20, 2017 16:47


George Osborne Llun: PA
Mae’r cyn-Ganghellor George Osborne wedi amddiffyn ei benodiad fel golygydd i bapur newydd y London Evening Standard.

 

Ond mae ei benodiad wedi ennyn beirniadaeth a galwadau arno i roi’r gorau i fod yn Aelod Seneddol Tatton.

 

Dywedodd wrth Dŷ’r Cyffredin heddiw fod cael pobol â gwahanol brofiadau yn fodd i “wella” ar waith y Senedd ond ychwanegodd y byddai’n “gwrando” ar yr hyn oedd gan ASau eraill i’w ddweud am y penderfyniad.

Fe ddaeth y cyhoeddiad yr wythnos diwethaf fod George Osborne yn cymryd yr awenau oddi wrth y golygydd presennol Sarah Sands gan ddechrau ym mis Mai.

Bydd yn golygu’r papur rhyw bedwar diwrnod yr wythnos, gan fynnu na fydd y swydd yn amharu ar ei gyfrifoldebau fel Aelod Seneddol.

Ond mae rhai yn codi cwestiynau am ei hawl i gynnal dwy swydd, ac mae hefyd wedi arwain at ystyriaeth i newid rheolau Aelodau Seneddol i gynnal dwy swydd.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.