Cynghorau yn galw am gyfreithiau yfed a gyrru llymach

 


Mae cynghorau wedi galw am gyfyngiadau cyfreithiol llymach er mwyn atal damweiniau sy’n gysylltiedig ag yfed a gyrru yng Nghymru a Lloegr.

Ar hyn o bryd, mae gyrru â chrynodiad uwch nag 80mg o alcohol i bob 100ml o waed yn anghyfreithlon, ond mae’r Gymdeithas Lywodraeth Leol am weld y rhicyn yn cael ei leihau i 50mg.

Ym mis Rhagfyr 2014, fe gafodd y lefel derbyniol ei leihau i 50mg gan Lywodraeth yr Alban, ac mae Gogledd Iwerddon am ddilyn ôl traed eu cefndryd Celtaidd yn fuan.

Uchaf yn Ewrop

Gan eithrio Malta – sydd ar fin lleihau ei lefel yfed a gyrru – Cymru a Lloegr sydd â’r rhicyn uchaf yn Ewrop, yn ôl y Gymdeithas Llywodraeth Leol.

“Yn fuan, Cymru a Lloegr fydd â’r cyfyngiadau yfed a gyrru mwyaf llac yn Ewrop, a dyw hyn ddim yn rhoi neges dda i fodurwyr ac ymgyrchwyr diogelwch,” meddai Cadeirydd un o Fyrddau’r Gymdeithas Llywodraeth Leol, Simon Blackburn.

“Dylai fod Llywodraeth y Deyrnas Unedig yn arwain y ffordd trwy wneud cyfreithiau yfed a gyrru yn llymach yn debyg i nifer o wledydd Ewropeaidd eraill, gan arbed bywydau a gwneud heolydd yn saffach.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed