Gwadu llofruddio merch saith oed

 


Llys y Goron Leeds (Llun Llywodraeth Prydain)
Mae merch yn ei harddegau wedi gwadu llofruddio’r ferch fach saith oed, Katie Rough.

Cafwyd hyd i’r ferch ifanc ag anafiadau difrifol i’w gwddf a’i brest ar gae chwarae yn ninas Caerefrog – York – ym mis Ionawr a bu farw yn yr ysbyty yn ddiweddarach.

Fe gafodd merch 15 oed ei harestio a’i chyhuddo o lofruddio ac o fod â chyllell yn ei meddiant.

Cyswllt fideo

Dyw enw’r ferch ddim wedi’I gyhoeddi ac fe ymddangosodd am yr ail dro yn Llys y Goron Leeds drwy gyswllt fideo, yn eistedd wrth ymyl ei chyfreithiwr.

Siaradodd y ferch ddim yn ystod y gwrandawiad a barodd 20 munud ond fe nodiodd ei phen pan ofynnodd y Barnwr, Peter Collier, a oedd yn deall y trefniadau ac fe gadarnhaodd y cyfreithiwr bod y ferch wedi ysgrifennu “dieuog” ar y gyhuddeb o’i blaen.

Roedd dwsin o aelodau teulu Katie Rough yn y llys.

Achos nesa’

Mae disgwyl i’r achos ddechrau ar 3 Gorffennaf, gyda dau wrandawiad arall cyn hynny. Bydd yn parhau mewn “llety awdurdod lleol” tan hynny.

Ddydd Llun, roedd tua 400 o bobol yn angladd Katie Rough yn gwisgo pethau amryliw i ddathlu ei bywyd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd