Gwrthod adroddiad yn erbyn priodasau un rhyw

 


Yr Esgob Pete Broadbent - dim argoel o undod (o wefan ei esgobaeth)
Mae ymgyrchwyr hawliau LGBT wedi croesawu pleidlais corff rheoli Eglwys Lloegr, y Synod Cyffredinol, yn erbyn adroddiad dadleuol ar briodasau o’r un rhyw.

Roedd yr adroddiad gan Fainc yr Esgobion yn parhau gyda gwrthwynebiad yr Eglwys i briodasau un rhyw ac na ddylai perthnasau o’r fath gael eu bendithio.

Yn ôl yr adroddiad, fe ddylai priodasau barhau yn “uniad parhaol gydol oes rhwng un dyn ac un ddynes.”

Yn annisgwyl, neithiwr, fe gafodd yr adroddiad ei wrthod gan offeiriaid yr Eglwys – er i’r esgobion a’r aelodau lleyg ei dderbyn.

Fe gafodd ei feirniadu am fethu â rhoi llais i bobol hoyw, ond mae Efengylwyr wedi awgrymu ei fod yn mynd yn rhy bell.

Mae’r bleidlais yn golygu bod angen i Fainc yr Esgobion lunio adroddiad arall, gan ystyried barn y Synod.

Camau nesaf

Wrth i ymgyrchwyr tros hawliau lesbaidd, hoyw, deurywiol a traws – LGBT – .groesawu’r penderfyniad a’i alw’n “bleidlais trpos gariad”, mae eraill wedi rhybuddio am rwygiadau o fewn yr Eglwys.

Fe ddywedodd Esgob Willesden yn Llundain, y Parchedig Pete Broadbent, nad oedd yr Eglwys wedi “hyd yn oed dechrau” ceisio dod o hyd i safle unedig ar y mater.

“Dydyn ni ddim yn gwybod eto beth yw’r cam nesa’ – na phryd nac os y gallwn ni gyflwyno adroddiad pellach i’r Synod,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd