Beirniadu’r newid i system iawndal y Weinyddiaeth Amddiffyn

Diweddarwyd am  


Llun: PA
Mae cynlluniau yn cael eu hystyried ar hyn o bryd i newid system iawndal y Weinyddiaeth Amddiffyn fyddai’n rhwystro milwyr a’u teuluoedd rhag eu herio am faterion esgeulustod.

Yn hytrach, byddai materion o’r fath yn cael eu delio gan aseswr mewnol y Weinyddiaeth, ac maen nhw’n mynnu mai cynnig gwell iawndal i filwyr a’u teuluoedd yw’r nod.

Ond mae tad milwr a fu farw mewn ffrwydrad ar ochr y ffordd yn Irac yn 2007 wedi beirniadu’r cynlluniau a’u galw’n “annheg.”

‘Methiannau’

Bu farw mab Colin Redpath, sef Kirk Redpath, 22 oed, wrth deithio mewn cerbyd yn Irac pan fu ffrwydrad ar ochr y ffordd.

“Yn y pendraw, maen nhw (y Weinyddiaeth Amddiffyn) yn gyflogwr,” meddai gan gyfeirio at eu dyletswydd i ddarparu’r offer a’r cyfarpar diogelwch gorau posib i’w milwyr.

Fe wnaeth ymchwiliad Chilcot y llynedd ganfod nifer o fethiannau ym mharatoadau’r Weinyddiaeth Amddiffyn ar gyfer Rhyfel Irac oedd yn cynnwys diffyg darpariaeth ddigonol o gerbydau addas i wrthsefyll ffrwydradau.

‘Gwell iawndal’

Dywedodd llefarydd ar ran y Weinyddiaeth Amddiffyn fod y newidiadau arfaethedig yn “ymwneud â gwell iawndal.”

“Beth bynnag yw’r camau cyfreithiol, rydyn ni’n barod yn blaenoriaethu dysgu gwersi o unrhyw ddigwyddiadau yn ymwneud â diogelwch ein personél,” ychwanegodd y llefarydd.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd