RSS

Golwg360

MwyCau 

13 dedfryd oes i gyn-athro am gam-drin bechgyn ifanc

Chwefror 8, 2017 15:56


Mark Frost (Llun: PA)
Mae’n debygol y bydd pedoffeil yn marw yng ngharchar, wedi iddo gael ei ddedfrydu i 13 dedfryd o garchar am oes am droseddau “hunllefus” yn erbyn plant yng ngwledydd Prydain a thramor.

Yn llys yr Old Bailey, fe blediodd y cyn-athro Saesneg, Mark Frost, 70, yn euog i 45 o gyhuddiadau yn erbyn naw o blant yng Ngwlad Thai rhwng 2009 a 2012. Fe gyfaddefodd hefyd i gael cyfathrach rywiol gyda dau ddisgybl yn Sir Gaerwrangon yn ystod y 1990au.

Ar rai adegau, fe ddigwyddodd y cam-drin ar dir yr ysgol lle’r oedd yn gweithio; droeon eraill, fe fyddai ei fab mabwysiedig yn bresennol.

Fe gafodd Mark Frost ei ddedfrydu gan y Barnwr Mark Lucraft, a’i orchymyn i dreulio 16 mlynedd o bob dedfryd oes dan glo.

“Rydych chi wedi bod yn gyfrifol am gyfres warthus o gam-drin rhywiol,” meddai’r barnwr, “ac mae’n glir bod gennych obsesiwn gyda bechgyn ifanc. Mae eich ymddygiad tuag at bob un o’r dioddefwyr hyn, yn hunllefus ac yn anesmwytho dyn.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.