Adar yn mudo ynghynt i’w safleoedd nythu

 


(llun o wefan WWF)
Mae adar mudol yn cyrraedd eu safleoedd nythu ynghynt yn sgil cynhesu byd-eang, yn ôl astudiaeth gan brifysgol Caeredin.

Wrth ymchwilio i batrymau mudo cannoedd o rywogaethau ar bum cyfandir, daeth y gwyddonwyr i’r casgliad fod adar yn cyrraedd eu safleoedd nythu tua diwrnod ynghynt am bob un radd o gynnydd mewn tymheredd byd-eang.

Mae hyn yn gallu amrywio rhwng gwahanol rywogaethau a’i gilydd fodd bynnag, gyda’r adar sy’n mudo pellteroedd cymharol fyr yn fwy tueddol o addasu na’r rheini sy’n mudo ymhell.

O ganlyniad, gallai’r adar sy’n mudo ymhell fod o dan anfantais o ran adnoddau fel bwyd a safleoedd nythu os oes mwy o adar wedi cyrraedd o’u blaen.

Fe fu’r gwyddonwyr yn archwilio cofnodion o adar mudol sy’n mynd yn ôl bron i 300 mlynedd ar gyfer yr ymchwil, gan edrych ar sut y mae adar wedi addasu eu hymddygiad yn ôl tymheredd a’r bwyd sydd ar gael.

Y gobaith yw y bydd yr astudiaeth yn help ar gyfer darogan sut y gall gwahanol rywogaethau ymateb i newid yn yr hinsawdd, heddiw ac yn y dyfodol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn