Gwadu bod mwy o droseddau casineb ers Brexit

 


Mae cefnogwr Brexit amlwg wedi wfftio’r cyswllt rhwng gadael yr Undeb Ewropeaidd a’r cynnydd mewn troseddau casineb dros y misoedd diwethaf.

Yn ôl Daniel Hannan, Aelod Seneddol Ewropeaidd tros dde ddwyrain Lloegr, mae’r cynnydd wedi bod yn digwydd dros gyfnod hir.

Dywedodd ei bod yn beryglus cysylltu’r cynnydd â phenderfyniad gwledydd Prydain i adael yr Undeb Ewropeaidd.

Daw sylwadau Hannan ddyddiau’n unig ar ôl i Brif Weinidog Prydain, Theresa May gydymdeimlo â Gwlad Pwyl yn dilyn ymosodiadau diweddar ar Bwyliaid yng ngwledydd Prydain.

Ar raglen newyddion Murnaghan ar Sky News, dywedodd Hannan am y cyswllt honedig: “Dw i ddim yn derbyn hynny ac rwy’n credu ei bod yn beth gogwyddog i ofyn y cwestiwn yn y modd y gwnaethoch chi.

“Fe fu cynnydd yn yr adroddiadau am droseddau casineb dros gyfnod hir o amser oherwydd y ffordd y mae’r heddlu’n defnyddio’u gwefannau ac yn ymdrin â phob adroddiad fel digwyddiad.”

Ychwanegodd na fu cynnydd yn nifer yr achosion sydd wedi arwain at geisio erlyn, gan gyhuddo’r cyfryngau o fod yn “anghyfrifol” wrth adrodd am droseddau casineb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer