Refferendwm Ewrop yn llawn ‘diffygion democrataidd amlwg’

 


Llun: PA
Roedd y ddadl o amgylch refferendwm yr UE yn llawn “diffygion democrataidd amlwg” gyda phleidleiswyr yn teimlo’n “anwybodus” ac wedi eu dieithrio.

Dyna farn adroddiad newydd gan y Gymdeithas Diwygio Etholiadol (ERS) sydd hefyd yn dweud bod angen “adolygiad trwyadl” o sut fydd refferenda’r dyfodol yn cael eu cynnal.

Daeth yr adroddiad i’r casgliad bod pleidleiswyr yn teimlo bod dwy ochr y ddadl wedi troi’n fwyfwy negyddol wrth i’r ymgyrch fynd yn ei blaen a bod llawer o ffigurau gwleidyddol amlwg, gan gynnwys y Prif Weinidog David Cameron, wedi bod yn fwy o rwystr nag o help.

Caiff yr adroddiad ei gyhoeddi yn fuan wedi i’r Prif Weinidog Theresa May addo unwaith eto bod “Brexit yn golygu Brexit” wrth i’w Chabinet ddechrau cynllunio ar gyfer gadael yr UE.

Dywedodd Katie Ghose, prif weithredwr y ERS bod yr adroddiad yn dangos “heb rithyn o amheuaeth” pa mor “ofnadwy” oedd dadl refferendwm UE.

Refferendwm annibyniaeth yr Alban

Meddai fod yr ymgyrch yn wrthgyferbyniad llwyr i’r ddadl “fywiog” a “gwybodus” a ddigwyddodd yn sgil pleidlais annibyniaeth i’r Alban a oedd wedi  gadael “etifeddiaeth barhaol o gyfranogiad parhaus y cyhoedd mewn gwleidyddiaeth a bywyd cyhoeddus”.

Ychwanegodd fod yr ymgyrch yn rhy fyr i feithrin dadl briodol a bod honiadau camarweiniol yn cael eu hadrodd yn “ddi-gosb.”

Casgliadau

Mae’r ERS nawr yn galw am adolygiad i sicrhau nad yw refferenda’r dyfodol yn ailadrodd yr un camgymeriadau.

Mae’n gwneud naw argymhelliad, gan gynnwys creu corff cyhoeddus swyddogol i ymyrryd pan fydd honiadau camarweiniol yn cael eu gwneud gan yr ymgyrchoedd a gofyn i Ofcom gynnal adolygiad i rôl briodol i ddarlledwyr i’w chwarae mewn refferenda.

Dywedodd llefarydd ar ran Swyddfa’r Cabinet bod pobl Prydain wedi lleisio’u barn yn bendant yn y refferendwm ac y bydd y Llywodraeth yn cyflawni penderfyniad y bobl.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer