Ymestyn y cynllun difa moch daear yn Lloegr

 


Mochyn daear
Mae saith ardal yn Lloegr wedi cael trwyddedau newydd i ddifa moch daear yn dilyn ymgais y Llywodraeth i fynd i’r afael â’r diciâu mewn gwartheg.

Mae’r ardaloedd newydd yn cynnwys rhannau o Swydd Henffordd, Swydd Gaerloyw, Cernyw, Dyfnaint a Dorset.

Mae hyn yn rhan o strategaeth 25 mlynedd y Llywodraeth i fynd i’r afael â’r diciâu, ac mae trwyddedau difa eisoes wedi bod mewn grym mewn rhannau o Swydd Gaerloyw, Gwlad yr Haf a Dorset.

‘Cynllun dadleuol’

Yn ôl y Llywodraeth, bwriad y trwyddedau ydy gwaredu â 70% o foch daear mewn ardal benodol er mwyn gwaredu â’r clefyd sy’n costio mwy na £100 miliwn i drethdalwyr bob blwyddyn.

Dywedodd y Gweinidog Amaeth George Eustice, “Mae’r cyngor milfeddygol a phrofiad gwledydd eraill yn glir – allwn ni ddim gwaredu â’r clefyd oni bai ein bod yn mynd i’r afael â chronfa’r clefyd ymysg y boblogaeth o foch daear ynghyd â gwartheg.”

Er hyn, mae’r cynllun yn un dadleuol gyda Chris Pitt, dirprwy gyfarwyddwr ymgyrchoedd League Against Cruel Sports yn dweud, “Dylem edrych ar Gymru fel enghraifft lle nad oes difa ond yn hytrach mesurau profi cryf o TB, rheolaeth lem o ran symud gwartheg a bioddiogelwch cryf sy’n llwyddiannus wrth atal lledaeniad TB.”

Cymru

Yn gynharach y mis hwn, fe wnaeth Llywydd NFU Cymru bwyso ar Lywodraeth Cymru i weithredu’n bendant i waredu â’r diciâu mewn gwartheg.

Mynegodd Stephen James bryder ynglŷn â’r prosiect o frechu moch daear mewn ardal o driniaeth ddwys a gafodd ei atal ym mis Rhagfyr oherwydd prinder byd-eang o’r brechlyn BCG.

Mewn ymateb, dywedodd Llywodraeth Cymru eu bod yn awyddus i ystyried opsiynau newydd ar gyfer cynllun i fynd i’r afael â’r diciâu yng Nghymru.

“Dros yr wythnosau nesaf, bydd Ysgrifennydd yr Amgylchedd a Materion Gwledig yn ystyried opsiynau wedi’u hadnewyddu ar gyfer cynllun TB yng Nghymru,” meddai llefarydd ar ran Llywodraeth Cymru.

“Fel rhan o hynny, bydd yn ystyried mater o fywyd gwyllt ochr yn ochr â gwartheg a mesurau bioddiogelwch,” meddai wedyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer